• Heimsóknir

    • 94,241 hits
  • desember 2017
    S M F V F F S
    « Júl    
     12
    3456789
    10111213141516
    17181920212223
    24252627282930
    31  
  • Nýlegar færslur

  • Færslusafn

Um mig

Ég hef gaman af því að skrifa um eitt og annað, sérstaklega um umhverfismál og hlaup. Rek eigin fyrirtæki sem fæst við umhverfisráðgjöf, en er líka fjölskyldufaðir og maraþonhlaupari, svo eitthvað sé nefnt.

Til að útskýra þetta nánar, þá er ég fæddur og uppalinn í Gröf í Bitrufirði 1957, stundaði nám í farskóla í heimasveitinni og síðan á Reykjaskóla og í Menntaskólanum við Hamrahlíð. Útskrifaðist þaðan 1976. Tók svo BS-próf í líffræði frá Háskóla Íslands 1980 og próf í uppeldis- og kennslufræði til kennsluréttinda skömmu síðar. Árin 1982-1985 var ég skólastjóri Grunnskólans á Broddanesi á Ströndum og síðan sveitarstjóri Hólmavíkurhrepps 1985-1997. Þá lá leiðin í framhaldsnám til Svíþjóðar, þaðan sem ég útskrifaðist með meistaragráðu í stefnumótun og stjórnun umhverfismála frá Háskólanum í Lundi haustið 1998. Eftir heimkomuna starfaði ég sem verkefnisstjóri Staðardagskrár 21 á Íslandi í 11 ár í umboði Sambands íslenskra sveitarfélaga og umhverfisráðuneytisins. Árið 2000 stofnaði ég fyrirtækið Umhverfisráðgjöf Íslands ehf., öðru nafni UMÍS ehf. Environice, sem sinnir ráðgjöf um umhverfismál og sjálfbæra þróun til stofnana og fyrirtækja. Auk ráðgjafar vegna Staðardagskrár 21 hafa stærstu verkefnin snúist um verkefnastjórnun fyrir Norrænu ráðherranefndina, undirbúning umhverfisvottunar sveitarfélaga og fyrirtækja í ferðaþjónustu, mat á umhverfisáhrifum framkvæmda, gerð fræðsluefnis um umhverfismál fyrir fyrirtæki, námskeiðahald, fyrirlestra og kennslu um sjálfbæra þróun, gerð útvarpsefnis o.fl. Starfsmenn Environice hafa verið 1-5 eftir verkefnastöðu hverju sinni. Um þessar mundir eru starfsmennirnir fimm, flestir í hlutastörfum.

Ég hef verið búsettur í Borgarnesi síðan haustið 1999 ásamt Björk Jóhannsdóttur, lífsförunaut mínum í rúm 35 ár. Saman eigum við þrjú börn, sem öll eru komin á sjálfræðisaldur, eru að miklu leyti flogin úr hreiðrinu og stunda ýmist nám eða vinnu. Hlaup hafa verið helsta áhugamál mitt frá unga aldri, og sá áhugi hefur ágerst síðustu ár. Ég hef hlaupið nokkur maraþonhlaup um dagana og Laugaveginn tvisvar. Besta maraþontímanum mínum náði ég sumarið 2013, 3:08:19 klst. Uppáhaldsviðfangsefni mitt á þessu sviði eru þó fjallvegahlaup, en ég hef einsett mér að hlaupa 50 fjallvegi á 10 ára tímabili, 2007-2016. Er búinn með 40.

Sjá einnig:
http://www.environice.is
http://www.fjallvegahlaup.is
http://www.facebook.com/stefangisla

(Síðast uppfært 13. janúar 2015)

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: