• Heimsóknir

    • 104.686 hits
  • nóvember 2010
    S M F V F F S
    « Okt   Des »
     123456
    78910111213
    14151617181920
    21222324252627
    282930  
  • Nýlegar færslur

  • Færslusafn

Tölvuleikur um loftslagsmál

Á morgun kemur nýr tölvuleikur á markað í Bretlandi. Þessi tíðindi myndu líklega ekki rata inn á þessa bloggsíðu, nema vegna þess að leikurinn snýst um umhverfismál. Þátttakendur glíma sem sagt við að koma í veg fyrir skaðleg áhrif loftslagsbreytinga.

Leikurinn sem um ræðir nefnist „Fate of the World“, eða Örlög heimsins. Þar er ekki barist við geimverur eða glæpaklíkur, heldur setja þátttakendur sig í spor sérstakrar umhverfisdeildar Alþjóðaviðskiptamálastofnunarinnar (WTO), þar sem þeir fá það verkefni að bjarga heiminum með því að draga úr losun gróðurhúsalofttegunda. Takist það ekki fer allt á verri veg og afleiðingarnar birtast í formi mikilla flóða, þurrka og skógarelda. Þetta er alls ekki fyrsti tölvuleikurinn þar sem umhverfismál eru tekin fyrir, en tölvuleikjasérfræðingar telja að þessi leikur sé mun líklegri til vinsælda en flestir aðrir. Því gera umhverfisverndarsinnar sér vonir um að leikurinn leiði til þessa að sá hópur fólks sem hvað síst hefur verið móttækilegur fyrir umhverfisfræðslu, taki nú við henni í ríkum mæli.

Sem fyrr segir kemur leikurinn á markað í Bretlandi á morgun. Fyrst um sinn verður hann aðeins nothæfur á PC-tölvum, en Mac-útgáfa er væntanleg innan skamms. Hægt verður að hlaða leiknum niður gegn 15 sterlingspunda gjaldi. Ekki er þó vitað á þessari stundu hvort sá möguleiki sé opinn íslenskum netnotendum með íslensk greiðslukort.

(Sjá frétt The Guardian í gær)